Agjencia e SHBA Kundër Narkotikëve, DEA, pritet të hapë zyrën e saj në Tiranë.
Në një njoftim të SPAK thuhet se drejtuesi i Prokurorisë së Posaçme Altin Dumani zhvilloi një takim “shumë konstruktiv” me shefen e DEA-s, Anne Milgram.
“Të dy drejtuesit riafirmuan bashkëpunimin e shkëlqyer mes dy agjencive dhe u angazhuan për forcimin e tij, i cili do të kulmojë me hapjen e përfaqësisë së DEA-s në Tiranë”, thuhet në njoftim, referuar takimit të zhvilluar në Athinë.
“Ky bashkëpunim është jetik për adresimin e suksesshëm të sfidave globale që lidhen me drogën dhe krimin e organizuar”, vijon njoftimi.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
