Britania e Madhe ka njoftuar një hua të mëtejshme prej 2.26 miliardë paundësh, rreth 2.84 miliardë dollarë, e cila do të shpërndahet gjatë viteve të ardhshme, për Ukrainën për ta ndihmuar që të përballet me pasojat e luftës me Rusinë.
Këtë e ka bërë të ditur qeveria e Londrës pas takimit të sotëm në Downing Street mes kryeministrit Keir Starmer dhe Presidentit Volodymyr Zelensky pas takimit të mbyllur me tension mes së Donald Trump me këtë të fundit.
“Mbretëria e Bashkuar vazhdon të qëndrojë në mbrojtje të Ukrainës. Marrëveshja e sotme, e cila kontribuon në forcimin e aftësive mbrojtëse të Ukrainës, e konfirmon këtë”, tha në një deklaratë ministri ukrainas i Financave Serhii Marchenko.
Huaja do të shkojë për blerjen e pajisjeve mbrojtëse sipas nevojave të Ukrainës, tha Ministria e Financave.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
