Olta Xhaçka, ministrja e Jashtme, thotë se Shqipëria do të tërheqë trupat e saj nga Afganistani. Kjo si pjesë e një vendimi të marrë nga NATO, që pretendon se tani ky vend do të marrë në dorë pronësinë e proçesit të paqes. Të njëjtin vendim konfirmoi edhe Amerika nëpërmjet presidentit Joe Biden pak më parë.
“Sot, në takimin e posaçëm të ministrave të jashtëm e të mbrojtjes të NATO, në emër të qeverisë shqiptare, konfirmova se Shqipëria mbështet plotësisht vendimin e marrë nga NATO, për tërheqjen e trupave nga Afganistani.
Ka ardhur koha që afganët dhe forcat politike të marrin pronësinë e këtij procesi paqeje.
Shqipëria është e gatshme të tërheqë trupat e saj, së bashku dhe në koordinim me Aleatët,”-shkruan Xhaçka.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
