Ministri izraelit i Mbrojtjes, Israel Katz, e ka paralajmëruar grupin Hezbollah të Libanit të tregojë kujdes, duke thënë se durimi i Izraelit me “terroristët” që e kërcënojnë është shteruar.
“Sekretari i Përgjithshëm i Hezbollahut nuk po nxjerr mësim nga paraardhësit e tij dhe po kërcënon të veprojë kundër Izraelit në përputhje me urdhrat e diktatorit iranian”, tha Katz në një postim në X.
Ish-udhëheqësi i Hezbollahut, Hassan Nasrallah, u vra gjatë fushatës së Izraelit kundër Hezbollahut vitin e kaluar.
"I sugjeroj përfaqësuesit libanez të jetë i kujdesshëm dhe të kuptojë se Izraeli e ka humbur durimin me terroristët që e kërcënojnë."
Kreu i Hezbollahut, Naim Qassem, tha të enjten se grupi libanez do të veprojë siç e sheh të arsyeshme përballë asaj që ai e quajti "agresion brutal izraelito-amerikan" kundër Iranit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
