Si çdo konferencë për shtyp kreu i qeverisë Edi Rama nuk ka kursyer as as kritikat ndaj medias dhe batutat me gazetarët. Në konferencën e fundvitit Rama u nxeh në momentin që njëri gazetarëve u kërkoi të dinte më shumë për shtëpinë e tij në Surrel dhe për akuzat e opozitës për kontrollon e bixhozit.
Rama: Ju si ABC e keni treguar shtëpinë time shpeshherë, asgjë tjetër s’keni bërë përveçse keni shpifur.
Gazetari: Na lejoni ta shohim më nga afër
Rama: Shtëpinë e kam për familjen dhe miqtë, ju nuk jemi miqtë e mi…
Gazetari: Po kur nuk na lejoni…
Rama: Ajo që keni bërë është jo korrekte dhe jo etike, negative dhe e qëllimshme për të manipuluar opinionin publik. Kam një shtëpi modeste më shumë se e atyre që bëjnë opininistin. Po, ka mur të madh se unë jam i gjatë.
Ndërsa për akuzat për lojërat e fatit, kryeministri shtoi: “Mos prisni nga unë që të përgjigjem. Ju nuk mund të vini të thoni se sa e deformuar është shtëpia ime. Ku ishte pyetja juaj për shtëpinë. Nuk keni pse e tregoni shtëpinë, sikur është shtëpia e drakulës. E neveris këtë mënyrë të bëri gazetari. Ata që më besojnë mua, më besojnë mua, ata që besojnë opozitë, besojnë opozitën. Unë nuk jam Luigji i 14. Shyqyr që nuk jam sepse ashtu do të bëja dëme. Kjo është një shpifje. Ju vini në diskutim shifrat e ekonomisë se nuk lexoni se nuk informoni. Ju këto i vini në diskutim këto. E di që ju i bëni pyetjet mua dhe e di kush ua jep”.
Më herët, gazetarja e Top Channel e pyeti nëse rrezikonin shqiptarët t’ju kthehej sërish regjimi i vizave, Rama ia kthen: Elona unë e di që ti je blu, por mos u bëj kaq blu e thellë. Të lutem Elona!
Por a do ta ketë kryeministri Vunoin vendin e pleqërimit tani që u përjashtua Kokëdhima nga PS? Kryeministri ka rezervuar këtë përgjigje për gazetaren e TV Klan: Ti je më e mirë se kaq, mund të bësh pyetje më të mira se kaq…”
Kur e pyetën për koston që mund të kishin shqiptarët nga PPP-të, kryeministri i tha gazetares së SCAN: “Po jua shpjegojmë ne, edhe pse këtë duhet t’ua shpjegoni ju qytetarëve se jeni gazetarë”.
Por a i vjen keq kryeministrit që ka humbur dy miq në vitin që po lëmë pas, Blushin dhe Kokëdhimën? Kryeministri ka sqaruar se kur bëhet fjala për cënimin e partisë, nuk bënte dallime.
“As njërin, as tjetrin nuk i kam bërë miq si anëtar partie por si individë, miqësitë e mia nuk më ndikojnë në moskryerjen e detyrës time ashtu siç unë mendoj që duhet ta kryej. Kur cenohet PS nuk bëj dallime miq apo jo miq, në momentin kur cenohet puna e përbashkët. Kur kyn në këtë punë ka gjithmonë keqardhje…”, sqaroi ai.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
