Banka e Amerikës do të dhurojë 1 miliard dollarë gjatë katër viteve të ardhshme për programet e komunitetit dhe bizneset e vogla, për t’u ardhur në ndihmë në adresimin e pabarazisë ekonomike dhe racore që është përkeqësuar nga Covid-19.
CEO i Bankës së Amerikës, Brian Moynihan, tha në një njoftim për shtyp të martën se për shkak të pandemisë, pabarazitë themelore ekonomike dhe sociale u thelluan.
Donacioni 1 miliardë dollarësh është një zgjerim i fondit prej qindra miliona dollarësh që Banka e Amerikës dhuron për organizata jofitimprurëse dhe u jep hua bizneseve të vogla, në pronësi të pakicave.
Banka e Amerikës (BAC) tha se paratë do të zgjerojnë shërbimet shëndetësore, si klinikat e vaksinimit, në komunitetin me ngjyrë, "mbështesin" bizneset e vogla dhe rekrutimin e punonjësve të rinj të bankave në komunitetet ekonomikisht të pafavorshme.
Donacioni i Bankës së Amerikës, i cili arrin në 250 milion dollarë në vit gjatë katër viteve të ardhshme, është pjesë e vogël e 27.4 miliardë dollarëve që gjeneroi në 2019.
Banka vetë ka një histori të trazuar me pakicat: Ajo u gjobit me 2.2 milion dollarë në 2013 për diskriminimin e kandidatëve me ngjyrë, të cilët kanë kërkuar punësim pranë saj gjatë dy dekadave. Departamenti Amerikan i Punës e urdhëroi atë të paguante gjobën pasi zbuloi se më shumë se 1 100 punëkërkues afrikano-amerikanë u ndeshën me diskriminim në zyrat e kompanisë në Charlotte, Karolina e Veriut, në kohë të ndryshme midis 1993 dhe 2005.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
