Udhëheqësi suprem iranian Ayatollah Ali Khamenei tha se Izraeli ka pësuar një humbje në luftën e tij kundër Hamasit të mbështetur nga Irani.
Në një fjalim të mbajtur në një qendër hapësinore të Korpusit të Gardës Revolucionare Islamike në kryeqytetin Teheran, cituar nga AFP , Khamenei tha se disfata e regjimit sionist në Gaza është një fakt.
“Përparimi dhe hyrja në spitale apo në shtëpitë e njerëzve nuk është fitore, sepse të fitosh do të thotë të mundësh palën tjetër”, shtoi ai.
Khamenei tha se Izraeli deri tani ka dështuar për të arritur qëllimin e tij të deklaruar për të shkatërruar Hamasin megjithë bombardimet masive të Gazës.
“Ky dështim pasqyron dështimin e Shteteve të Bashkuara dhe vendeve perëndimore që mbështesin Izraelin”, shtoi ai.
Irani, i cili mbështet Hamasin financiarisht dhe ushtarakisht, i quajti sulmet e 7 tetorit një "sukses" por mohoi çdo përfshirje të drejtpërdrejtë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
