Ka një rritje tepër të madhe të trafikut në internet për shkak të bllokimeve prej koronavirusit në disa vende. Megjithatë bota nuk rrezikon një ndërprerje të internetit, madje as në Itali, shprehet Antonio Capone, profesor i telekomunikacionit në Politeknikun e Milanos. Gjigantët e uebit kanë ulur shpejtësinë e transmetimit, pas alarmit të vënë nga Mark Zuckerberg mbi mbingarkesën e shërbimeve "Facebook".
"Ka rritje të konsiderueshme të trafikut në rrjete që mund të shkaktojë edhe ndërprerje, por asgjë dramatike. Pavarësisht të gjitha urgjencave që kemi, nga shëndeti dhe në atë të ekonomisë së ardhshme, nuk besoj se do të ketë një skenar apokaliptik. Kapaciteti rritet sipas nevojave të tregut dhe do të vazhdojë të rritet, sepse kjo emergjencë do të shkaktojë një rritje të trafikut që nuk do të përfundojë me koronavirusin, pasi po hap mundësi dhe mjete që nuk i kemi përdorur më parë”, shpjegon Capone për ANSA.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
