Dhjetëra protestuese, të mbledhur për të shënuar Ditën Ndërkombëtare për Eliminimin e Dhunës ndaj Grave janë arrestuar në Stamboll.
Lajmin e bën të ditur AFP.
Një numër i madh forcash policore u përpoq të parandalonte tubimin e thirrur në sheshin emblematik Taksim. Për tubimin nuk ishte dhënë lej e dhe ishin vendosur barriera dhe barriera që bllokonin rrugët në një perimetër të gjerë duke filluar nga brigjet e Bosforit.
Në apelin e "Platformës së 25 Nëntorit", një koalicion lëvizjesh feministe, qindra demonstruese, disa të mbuluara, kënduan "Gruaja, Jeta, Liria" në turqisht dhe kurdisht, duke marrë himnin e grave iraniane që luftojnë kundër regjimit të ajatollahëvee.
Të bllokuar nga një kordon policie nën sheshin Taksim, një grup grash aktiviste shfaqën një pankartë ku i thurej himn lirisë dhe kundër "dhunës patriarkale". Pankarta të tjera mbanin slogane kundër "skllavërisë shtëpiake" ose kundër dhunës me bazë gjinore. “Ky vend është i yni, kjo botë është e jona, shekulli 21 është shekulli i grave dhe asgjë nuk mund ta ndryshojë këtë”, bërtiti një aktivist.
Me një goditje ndaj shumicës së tubimeve publike, gratë dhe lëvizjet LGBT janë të fundit që bëjnë thirrje për protesta të mëdha në Turqi.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
