Çdo natë ndodh një vjedhje. Ky është shqetësimi i banorëve në fshatrat e Njësisë Administrative të Shënkollit në Lezhë, teksa prej dy muajsh rrinë me frikën se mund të bien pre e grabitësve.
Hajdutet po marrin çfarë të gjejnë, duke nisur nga bagëtitë, makinat e sende të tjera me vlerë.
Banorët thonë se po detyrohen të rrinë zgjuar gjatë gjithë natës, ndërsa dyshojnë se grabitësit kanë lidhje me policinë.
E teksa vjedhjet janë denoncuar jo pak në Polici, banoret kërkojnë nga këta të fundit që të jenë me prezentë në zone, sidomos gjatë natës.
Referuar të dhënave, vetëm gjatë 2 muajve të fundit në fshatrat e Shënkollit kanë ndodhur rreth 50 vjedhje. Pak ditë më parë policia arrestoi baba e bir, ndërsa një person tjetër u shpall në kërkim. Ata dyshohet të jenë autor të disa vjedhjeve të ndodhura në zona të ndryshme të Lezhës, përfshire dhe Shënkollin.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
