Putin: Në Ukrainë për qëllime “fisnike”, nuk kishim zgjidhje

Ajo që po bëjmë është të ndihmojmë njerëzit, të shpëtojmë njerëz, nga njëra anë, dhe nga ana tjetër po punojmë për të garantuar sigurinë e Rusisë.

Është kjo deklarata e Presidentit rus Vladimir Putin, teksa flet për operacionin e kryer nga Moska në Ukrainë.

Natyrisht që nuk kishim zgjidhje, ky është vendimi i duhur. Rusia nuk do të mbyllet, është e pamundur ta izolosh atë. Rusia është e gatshme të bashkëpunojë me të gjithë partnerët që e dëshirojnë.

Putin nuk ka dyshime se qëllimi “fisnik” i mbrojtjes së Donbasit do të arrihet.

Kjo është ajo që do të ndodhë. Nuk ka dyshim. Qëllimet janë krejtësisht të qarta dhe ato janë fisnike.

Deklarata e Putin u bë duke folur me punonjësit e industrisë hapësinore në Kozmodromin Vostochny.