Një vatër zjarri është regjistruar pasditen e sotme në periferi të qytetin e Elbasanit rreth orës 17:10 në fushën e grumbullimit të mbetjeve, në zonën e njohur si Landfilli pranë Inceneratorit të Elbasanit.
Korrespondentja e MCN Tv Entela Duke tha përmes një lidhjeje telefonike se situata është alarmante dhe se prej 2.5 orësh zjarrfikësit nuk kanë mundur t’i vënë nën kontroll flakët.
Një zjarr i madh ka përfshirë fushën e mbetjeve pranë inceneratorit të Elbasanit duke shkaktuar ndotje të madhe. Ndotja ka mbërritur deri në qytetin e Elbasanit, edhe pse bëhet fjalë për hapësirë të konsiderueshme.
Kanë kaluar më shumë se 2.5 orë, është e vështirë që kjo vatër të vihet nën kontroll.
Situata është alarmante. Në vendngjarje janë forcat zjarrfikëse dhe policia ushtarake. Banorët janë këshilluar të mos dalin nga banesat, të mbyllin dritaret.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
