Kreu i Partisë Demokratike, Sali Berisha është liruar nga masa "arrest shtëpie".
Gjykata e Posaçme ka dhënë ditën e sotme vendimin për revokimin e masës së sigurisë “arrest shtëpie” për Berishën.
Para shtëpisë së Berishës, gazetari Mariglen Kume, në një komunikim për “MCN live” shprehet se ende asnjë zyrtar i lartë dhe simpatizantë të PD-së nuk është parë poshtë banesës, për shkak se lajmi u dukej i pabesueshëm.
Edhe 40 minuta pas vendimit, akoma nuk kemi asnjë arritje të simpatizantëve dhe zyrtarëve të PD-së të cilët vijnë për të mirëpritur lajmin. Kjo, me gjasë, për faktin se e kishin si një lajm të papritur, ndoshta do të vijnë me vonë.
Tani kemi parë të ngjitet sipër avokatja Klodiana Xhyzari, dhe duket se çdo veprim i Berishës për të dal dhe shkuar në zyre, do të bëhet ne koordinim me juristë dhe avokatët e tij, me të cilat ai do konsultohet.
Sipas njoftimit në rrugë zyrtare, pritet që Berisha të dal një komunikim me Grupin Parlamentar dhe deputetët, prej orës 13.30.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
