Ministri i Drejtësisë, Ylli Manjani, po zhvillon një takim me kreun e Kuvendit, Ilir Meta.
Manjani është thirrur në një takim nga kreu i LSI-së pak minuta pas takimit që Meta zhvilloi me kryeministrin Rama.
Takimi vjen vetëm pak orë pasi Manjani sqaroi me anë të një njoftimi se nuk është shkarkuar nga detyra dhe as nuk ka dhënë dorëheqjen.
Shkak për këtë sqarim u bënë disa shkrime në media, sipas të cilëve, Manjani ishte shkarkuar nga detyra si ministër i Drejtësisë pas përplasjeve mes PS-së dhe LSI-së ditët e fundit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
