Të paktën 10 persona mbetën të vdekur në Indinë qendrore, ku u shemb një hotel 4-katësh. Lajmin ë bëjnë të ditur burime policore. Ngjarja ndodhi në Indore, në shtetin Madhya Pradesh.
Ekipet e shpëtimit kanë punuar gjithë natën në rrënoja dhe kanë nxjerrë prej andej 10 persona të mbijetuar, ndërsa 5 të tjerë dyshohet se janë ende të bllokuar.
Sipas “Times of India”, hoteli është rrëzuar pasi një makinë u përplas me murin e hyrjes. Hoteli me 25 dhoma ndodhet në qendrën tregtare të qytetit Indore, pranë stacionit hekurudhor dhe atij të autobusëve.
Shembjet e ndërtesave janë të zakonshme në Indi, për shkak se ndërtuesit reduktojnë kostot përmes përdorimit të materialeve pa cilësi ose të skaduara dhe punës pa mbikëqyrjen e cilësisë.
Në gushtin e vitit të kaluar, 33 persona mbetën të vdekur kur një apartament u shemb në qendrën financiare të Indisë, Mumbai.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
