Komisioni i Ligjeve ka miratuar propozimin e Partisë Socialiste për koalicionet parazgjedhore me lista unike të përbashkëta.
Siç tha edhe deputeti Damian Gjiknuri koalicionet do të trajtohen njëlloj si partitë.
“Koalicioni do të lejohet, por do të trajtohet një lloj si partitë. Në një listë të përbashkët partitë mund të grupojnë kandidatët. Ata që thonë se koalicionet nuk lejohen, bëjnë propagandë. Listat e hapura nuk lejojnë koalicionet”, u shpreh Gjiknuri.
Ndër të tjera, Partia Socialiste propozoi gjithashtu edhe uljen e pragut elektoral në 1% dhe shpërndarjen e mandateve në listë sipas renditjes së paracaktuar por që mund të ndryshojë në varësi të votave preferenciale që merr një kandidat.
Votimi ishte unanim pa asnjë votë kundër pas bojkotit së mbledhjes nga deputetët e opozitës parlamentare.
Ata kanë paralajmëruar se nuk do të votojnë në Kuvend ndryshimet në Kodin Zgjedhor. Sipas Kushtetutës këto ndryshime duan 84 vota që të kalojnë, të cilat mazhoranca aktualisht nuk i ka.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
