Finlanda dhe Irlanda kanë njoftuar se do të mbyllin hapësirën e tyre ajrore për avionët rusë, por nuk konfirmohet momenti se kur do të hyjnë në fuqi masat penalizuese.
Finlanda ndan një kufi prej 1300 kilometrash me Rusinë, që do të thotë se një rrugë kryesore për në perëndim për Rusinë do të mbyllet.
Më herët një vendim i ngjashëm u mor edhe nga vende të tjera si Bullgaria, Republika Çeke, Estonia, Gjermania, Polonia dhe Britania e Madhe.
Moska, nga ana e saj, ka ndaluar gjithashtu avionët e disa shteteve që të fluturojnë mbi territorin e saj. Sanksionet ndaj Moskës vijnë pas nisjes së agresionit mbi Ukrainë në orët e para të mëngjesit të së enjtes, ku si pasojë e luftimeve janë vrarë mijëra persona nga të dyja kampet.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
