Travis Scott thotë se është "1000 për qind" i sigurt se bëri gjithçka që mundi për të ndihmuar fansat e tij gjatë tragjedisë së Astroworld.
Në intervistën e tij të parë që nga festivali i 5 nëntorit që përfundoi me vdekjen e 10 personave – duke përfshirë viktimën më të re, 9-vjeçarin Ezra Blount – Scott thotë se nuk i dëgjoi britmat e fansave të tij në Houston për ndihmë.
"Unë thjesht nuk dëgjova gjë," tha 30-vjeçari Scott të enjten gjatë një takimi kokë më kokë me Charlamagne the God në "The Breakfast Club".
Kur Charlamagne, 43 vjeç, e pyeti nëse ai bëri gji9thçka që mundi, Scott u përpoq të gjente fjalë, duke thënë: “Gjithçka që unë fizikisht [munda], sigurisht, po.”
Scott gjithashtu këmbënguli se "Unë jam ai lloj artisti" i cili do ta kishte ndërprerë shfaqjen e tij nëse do të ishte i vetëdijshëm se pjesëmarrësit e koncertit ishin në rrezik.
"Sa herë që mund të dëgjoni diçka të tillë, dëshironi ta ndaloni shfaqjen," vazhdoi reperi, "duke shtuar se ai e ndaloi muzikën disa herë gjatë ngjarjes. “Sigurisht që ju dëshironi të siguroheni që fansat të marrin vëmendjen e duhur që u nevojitet. Por thjesht nuk dëgjova [ulërimat].”, u shpreh Scott.
Fatkeqësia e Astroëorld - e shënuar si një nga ngjarjet më vdekjeprurëse të turmës së muzikës live në historinë amerikane - ka rezultuar në më shumë se 140 padi dhe një padi gjyqësore nga 1500 pjesëmarrës të shfaqjes kundër Scott, Live Nation, Apple Music, Drake dhe të tjerëve.
Në shumicën e padive, sipas dokumenteve të gjykatës, viktimat pretendojnë se reperi dhe punonjësit e tij ishin "neglizhentë" gjatë shfaqjes, e cila tërhoqi më shumë se 50,000 fansa dhe u përpoqën të fitonin shuma të mëdha parash nga koncerti.
Ndërkohë, Scott kohët e fundit mohoi përgjegjësinë për vdekjet në dokumentet ligjore - por tani thotë se misioni i tij është të përpiqet të identifikojë se cilët faktorë kontribuan në humbjen e kaq shumë jetëve gjatë performancës së tij.
"Tifozët vijnë në shfaqje për të pasur një kujtim të mirë," i shpjegoi Scott Charlamagne .
“Unë kam përgjegjësinë të kuptoj se çfarë ka ndodhur. Unë kam përgjegjësi për të gjetur një zgjidhje”, tha ai. "Shpresojmë që ky të hedhë hapin e parë tek ne si artistë që kemi më shumë njohuri për atë që po ndodh."
Scott fajësoi mediat që e cilësuan atë si fajtor për tragjedinë.
"Unë jam fytyra e festivalit," tha muzikanti. “Unë jam artisti. Pra, po, media dëshiron ta vendosë atë mbi mua.”
Por, pavarësisht deklarimit të tij të pafajësisë, Scott shprehu keqardhje për viktimat, duke i quajtur ato "familja e tij".
“Unë jam gjithmonë këtu. Unë jam në këtë me ju djema. Unë ju dua dhe jam gjithmonë aty për t'ju ndihmuar djema, "tha ai.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
