Ministria e Mbrojtjes është në kontakt me KFOR-in për të marrë helikopterët e tyre dhe për t’i përdorur për shuarjen e zjarreve në Shëngjin.
Kështu bëri me dije ministri Taulant Balla nga Shëngjini i cili tha se aktualisht janë aktive 5 vatra zjarri.
Situatën më të vështirë e kemi drejt qytetit. Kanë punuar prej pasdites së djeshme, forcat zjarrfiëkse, jo vetëm të qarkut Lezhë, por nga e gjithë Shqipëria. Kemi nga Shkodra, Tirana, Durrësit.
Ministri i Mbrojtjes është në kontakt me KFOR-in për të marrë helikopterët e tyre për t’i përdorur gjatë këtyre operacioneve.
Në rast se ndalet era dhe parashikohet të ndalet në mesnatë, gjëja do ndryshojë për mirë. Në këto kushte e gjitha punë jonë është e pamundur të japë rezultatin që duam të gjithë.
Kjo është një përmbledhje e momentit. Po luftohet më shumë se 24 orë pa ndërprerje. Dhe na duhet një pjesë e zjarrfikësve t’i spostojmë në vende ku shfaqen vatrat e reja të zjarrit janë 5 aktive. Situata më e vështirë është këtu ku shikoni por edhe pjesa tek Rana e Hedhun. Por jam i shqetësuar edhe për kurorën në qytet, tek kisha.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
