Grenell, takim sekret në Meksikë

Zyrtari i lartë në administratën e Presidentit Amerikan, Richard Grenell, ka zhvilluar një takim sekret me Jorge Rodriguez në kryeqytetin e Meksikës, muajin e kaluar. Rodriguez është bashkëpunëtor i ngushtë i Presidentit të Venezuelës, Nicolas Maduro. Siç raportojnë burime të cilave u referohet Reuters, takimi ka pasur për qëllim të siguronte largimin paqësor të Maduros nga pushteti, por nuk u arrit asnjë marrëveshje. Një burim tjetër pretendon se takimi në kryeqytetin e Meksikës nuk ishte organizuar nga Departamenti i Shtetit dhe shtoi se nuk dihet se si u bë, si dhe se nuk janë planifikuar bisedime të reja, raporton Reuters. Burimet argumentojnë se takimi kishte një efekt.

Një burim, përkatësisht, pretendon se bashkëpunëtori i Maduros tregoi interes për të gjetur zgjidhje, por që ai tregoi se nuk kishte ndërmend të priste për rezultatin e zgjedhjeve presidenciale amerikane.

Një burim tjetër pretendon se është e mundur që ky takim të ketë dërguar një mesazh në lidhje me "dëshpërimin e SHBA", i cili vetëm do ta inkurajojë Maduron të konsolidojë pushtetin e tij.

I dërguari special i Presidentit të SHBA për dialogun midis Beogradit dhe Prishtinës, Richard Grenell, ishte i përfshirë në arritjen e një marrëveshjeje të fundit mbi normalizimin e marrëdhënieve ekonomike midis dy palëve, por nuk është i njohur për rolin e tij të rëndësishëm në politikën e Venezuelës dhe çështje të tjera në Amerikën Latine.

Departamenti i Shtetit dhe Shtëpia e Bardhë nuk i komentuar këto pretendime.

Zyrtarët amerikanë thonë jozyrtarisht se Donald Trump është zhgënjyer jashtëzakonisht nga dështimi i politikës së tij për të zëvendësuar presidentin e Venezuelës, Nicolas Maduro. Në prag të zgjedhjeve të ardhshme presidenciale, Trump po përpiqet të arrijë sukses në politikën e jashtme, që të mund ta përdorë për fazën e fundit të fushatës. Grenell është këshilltar i lartë në fushatën zgjedhore të Trump.

Nicolás Maduro nuk njihet nga shumica e vendeve perëndimore si presidenti legjitim i Venezuelës, por ai mbështetet nga ushtria e vendit, si dhe Rusia, Kina, Kuba dhe Irani.