Një funksion i ri po testohet në WhatsApp që synon të shtojë një hap të mëtejshëm sigurie sa herë që identifikoheni përsëri përmes iOS ose Android, për të kufizuar fenomenin e vjedhjes së llogarisë.
Këtë e ka bërë të ditur faqja e specializuar WaBetaInfo e cila publikon një imazh.
Qëllimi i funksionit është të shtojë një kod tjetër 6-shifror, përveç atij që zakonisht kërkohet për t'u identifikuar me numrin tonë të telefonit në një smartfonë tjetër.
Pra, një funksion i ndryshëm nga vërtetimi me dy hapa tashmë i disponueshëm, pasi në këtë rast është qasja në një pajisje të re të pa regjistruar më parë në llogarinë tuaj.
Kur përpjekja e parë për të hyrë në WhatsApp është e suksesshme, për të përfunduar procedurën do të jetë e nevojshme të futni një kod tjetër 6-shifror.
Whatsapp do t'i dërgojë një mesazh zotëruesit të numrit të telefonit për ta njoftuar atë për përpjekjen e hyrjes.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
