Kryeministri i Kosovës, Albin Kurti, ka thënë se dialogu nuk është prioritet i Qeverisë. Sipas tij, dialogu ka marrë vëmendje për shkak të vëmendjes mediatike e ndërkombëtare.
“Dialogu më shumë ju ka marrë kohë juve se neve. Neve na ka marrë kohë qeverisja e mirë. Çka merr vëmendje mediale e ndërkombëtare nuk është përgjegjësi jona. Dialogu është prioritet i katërt. Pandemia, punësimi e drejtësia kanë qenë tri prioritetet e para. Nuk është që dialogu na ka marrë kohë sa mendoni ju. Do të ishte mirë që të na merrte më pak kohë. Normalizimi i marrëdhënieve s’është veç në dorën tonë. Unë e kam pranuar marrëveshjen për normalizim bashkë me aneksin e saj, që është arritje e madhe e politikës së jashtme të Kosovës. Por ajo marrëveshje po shkelet vazhdimisht nga zyrtarët serbë”, ka thënë Kurti në një konfrencë për media të mbajtur në 3-vjetorin e marrjes së drejtimit të qeverisë.
Kurti tha më tej se të enjten gjatë ditës janë vërejtur njësi të specializuara të ushtrisë së Serbisë disa metra larg kufirit me Kosovën. Kurti tha se këto trupa janë parë në afërsi të fshatit Banje të Zubin Potokut, gjë që u mohua nga ushtria serbe.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
