Opsioni i vaksinimit të fëmijëve 12 vjec dhe më lart do të diskutohet sa më shpejtë të jetë e mundur në mënyrë që Agjencia Europiane e Barnave (EMA) ta miratojë atë. Kështu ka deklaruar kryeministri i Greqisë Kyriakos Mitsotakis të martën pas përfundimit të një samiti të BE-së.
Një vendim i tillë do të "siguronte një dinamikë të re për vaksinat", u tha ai gazetarëve.
Ai gjithashtu vuri në dukje se Komisioni Evropian ka siguruar doza shtesë të vaksinave Covid për vitin 2022 dhe 2023, pasi një dozë e tretë mund të jetë e nevojshme 9-12 muaj pas vaksinës së parë.
Mitsotakis shprehu kënaqësinë e tij që propozimi për një certifikatë të përbashkët të vaksinimit Covid-19 u pranua nga udhëheqësit evropianë dhe u shpreh besimplotë se certifikata do të zbatohet sipas rregullave të përbashkëta për të gjitha vendet e BE sa më shpejt të jetë e mundur.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
