Ministria britanike e Mbrojtjes: Përparimet e Rusisë në Ukrainë, janë të vogla

Rusia ka bërë “përparime të vogla” që nga zhvendosja e fokusit të saj në marrjen e kontrollit mbi rajonin lindor të Donbasit.

Kështu deklaroi të hënën Ministria e Mbrojtjes e Mbretërisë së Bashkuar.

Pa mbështetje të mjaftueshme logjistike dhe luftarake në vend, Rusia nuk ka arritur ndonjë përparim të rëndësishëm. Mbrojtja e Mariupolit nga Ukraina ka lodhur shumë njësi ruse dhe ka ulur efektivitetin e tyre luftarak.

Një deklaratë e tillë u bë nga Ministria e Mbrojtjes në Twitter në një përditësim të të dhënave të inteligjencës.

Ministria e Mbrojtjes e Rusisë ka propozuar që pagesat e kompensimit për familjet e personelit të shërbimit të vdekur të mbikëqyren nga ushtarakë dhe jo nga zyrtarë civilë. Një gjë e tillë me gjasë synon pasqyrojë një dëshirë për të fshehur shkallën e vërtetë të humbjeve të Rusisë nga popullsia vendase.