Në raundin e parë të zgjedhjeve presidenciale që u zhvilluan në Turqi ditën e djeshme, presidenti aktual Rexhep Tajip Erdogan nuk mori 50% të votave të nevojshme për t'u zgjedhur dhe për këtë arsye do të shkojë në balotazh më 28 maj, me kundërshtarin Kemal Kiliçdaroglu.
Erdogan mori 49.24% të votave, ndërsa Kiliçdaroglu 45.06%.
Hendeku midis të dyve u ngushtua gradualisht me kalimin e orëve. Të dhënat e para pasdite me mbylljen e qendrave të votimit tregonin Erdogan-in fitues, por akuza e opozitës është se votat e bastioneve tradicionale të presidentit u numëruan dhe u transmetuan të parat.
"Ne do të fitojmë absolutisht balotazhin", tha Kiliçdaroglu në mes të natës në Ankara, i rrethuar nga përfaqësuesit e gjashtë partive të koalicionit të tij.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
