Pas njoftimit të Ministrisë së Energjisë dhe Infrastrukturës se edhe rruga Tiranë-Durrës do të jepet me koncesion, çka nënkupton se për të kaluar qytetarët duhet të paguajnë tarifë, rruga alternative që do jetë në shërbim të qytetarëve është ajo e Ndroqit.
Sipas burimeve nga Ministria e Infrastruktuës, pranë tyre ka mbërritur një ofertë nga një kompani, e cila po shqyrtohet por pa bërë të ditur se për kë bëhet fjalë.
Veç kësaj, kërkesa nga koncesionari ka ardhur si një ofertë e pakërkuar, një praktikë kjo e kritikuar nga shumë ekspertë.
Adrian Civici është shprehur se duhet më tepër transparencë në tendera, që të mos rëndohet buxheti i qytetarëve.
Aktualisht sipas studimit të fizibilitetit, nëse autostrada i kalon koncensionarit, tarifa do të variojë nga 2 euro për makinat e vogla dhe deri në 5 euro për kamionët.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
