<p>Panairi i Industrive Kreative është eventi i parë në përmasa të mëdha që u ofroi pjesëmarrësve transkriptimin në kohë reale në shqip dhe anglisht. NIV, një shkurtesë për Nulius in verba, është emri i kompanisë së parë në Shqipëri që merret me inteligjencën artificiale, e cila shoqëroi me këtë risi të gjithë eventin.</p> <p>Ergys Malo, bashkëthemelues i NIV, thotë se përmes këtij shërbimi ofrohet transkriptim në kohë reale në disa gjuhë dhe përkthim njëkohësisht.</p> <p>Por ky është vetëm fillimi. Grupi që ai drejton synon të shtrihet edhe më gjerë. </p> <p>NIV, një grup të rinjsh të pasionuar pas teknologjisë, po mbështeten në projektet e tyre nga MCN.</p> <p>Panairi i Industrive Kreative bëri bashkë 20 stenda nga rajoni i Ballkanit. Secila prej tyre prezantoi talentet unike, produktet dhe inovacionet që përcaktojnë peizazhin kreativ lokal. Ai u kthye në një mundësi për të eksploruar një gamë të larmishme sektorësh krijues, duke përfshirë artet pamore, mediat dixhitale, dizajnin e modës, prodhimin e filmit, arkitekturën, muzikën dhe teknologjinë. Një mundësi e mirë për të lidhur bashkëpunime, ky panair me risinë e ofruar nga NIV është një ogur për të ardhmen, e cila sipas Malos dhe grupit që ai drejton, i përket inteligjencës artificiale. </p> <iframe width="1250" height="703" src="https://www.youtube.com/embed/xygVnHUahq4" title="NIV, risia AI që flet në disa gjuhë njëkohësisht" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
