Gazetari Xhevahir Zhabina, paraqitjen në SPAK të drejtorit të përgjithshëm të MCN TV, biznesmenit Endri Meksi, e sheh të lidhur me deklarimet bërë prej tij për dosjen “AKSHI”.
Nga studio e “MCN Live”, ai deklaroi se duke qenë aktor i tregut, Meksi mund të dijë më shumë dhe se në këtë drejtim ka dhënë indicie se ku mund të fokusohet hetimi i SPAK.
Zhabina shtoi se Prokuroria e Posaçme e ka të pasqaruar rolin e Komisionit të Prokurimeve Publike dhe se grupi i strukturuar i AKSHI-t ka pasur akses në KPP.
Arsyeja e thirrjes së Endri Meksit në SPAK, janë deklaratat që ai ka bërë javën e fundit apo dhjetë ditët e fundit në MCN, që lidhen kryesisht me dosjen AKSHI. Ai mund të dijë detaje më shumë, duke qenë se është një aktor i tregut. Dhe ai ka dhënë indicie të reja se ku mund të fokusohet hetimi i SPAK dhe nuk kemi parë ku mund të jenë përfshirë institucione të tjera përveç AKSHI-t.
Thirrja e tij dhe sulmi që i është bërë atij dhe MCN gjatë kësaj periudhe janë dy çështje të ndara, se po hetohet nga Prokuroria Tiranë, ardhja e personave në MCN TV, çështja e tritolit dhe GPS. Vijnë të dyja në të njëjtin moment. Por procedurialisht duhet të heqë dorë Prokuroria e Tiranës që ta marrë në dorë Prokuroria e Posaçme. Policia ka ofruar mbrojtje ndaj Endri Meksit.
Nëse Prokuroria Tiranë krijon bindjen se kërcënimet dhe shantazhi janë bërë nga një grup i strukturuar kriminal, duhet të heqë dorë nga çështja dhe i kalon Prokurorisë së Posaçme. Nëse në një muaj Prokuroria Tiranë ka arritur ta zbardhë, do ishte sukses i madh, por Prokuroria Tiranë ka ecur me hapin e breshkës këto kohë.
Ne kishim tre persona në dyert e MCN, ka pasur dhe një makinë tjetër që informonte, nëse do hynte në MCN. Kemi përshkallëzim të këtij grupi kriminal, erdhën me armë të ftohta, me shkop bejsbolli. Pastaj një “Audi” i bardhë dhe pastaj tritoli te biznesi tjetër. Kemi veprime të përshkallëzuara të grupit kriminal.
Nga daljet e zotit Meksi dhe nga ajo që kemi mësuar, Prokuroria e Posaçme e ka të pasqaruar rolin e KPP. Se grupi i strukturuar i AKSHI-t ka pasur akses në KPP. Merren vendimmarrje në favor të këtij grupi kriminal. Ndërsa DSIK është institucioni që përcakton kritere specifike për kompanitë që duhet të fitojnë tenderat e AKSHI-t, ose më saktë certifikatat ë sigurisë që u jepeshin kompanive ose kundërshtarëve të tyre iu hiqeshin certifikatat.
Personazhe të tjerë të përfshirë në këtë histori janë Suela Ago, anëtare e KVO, e cila rezulton një lidhje e afërt e Ermal Beqirit dhe rezulton se ka marrë vendime në favor të Ermal Beqirit. Kjo është një mënyrë e mirë e SPAK që t’i shkojë kësaj çështje në gjenezë, në mënyrë që e gjithë historia të jetë e zbardhur.
Ermal Beqiri ka qenë “mendja kriminale” e gjithë grupit të strukturuar kriminal, i cili kontrollonte të gjithë kompanitë. Njëra prej kompanive ka qenë në emër të bashkëjetuesit të motrës së tij. Dhe personazhi tjetër Arjola Koromani, nëpunëse e Ermal Beqirir, që ka pasur rol kryesor, pasi ka qenë administratore e kompanisë së Beqirit, “Soft Solution”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
