Pyetjes së moderatores Valbona Mhilli se kush nga personazhet e njohur ia ka lënë mesazhet epa kthyera, sociologu Gëzim Tushi, ia ktheu me një analizë specifike për mentalitetin shqiptar.
Sipas tij, mendjemadhësia e disa njerëzve të pushtetshëm të cilët për disa qëllime të caktuara janë ulur në karriget e pamerituara, i ka bërë të harrojnë se nesër ata do të përplasen në ‘turmën e askushit’, sepse nuk i kanë dhënë asgjë shoqërisë shqiptare.
Jam shumë personazhe që ma kanë lënë ‘seen’. Një pjesë prej tyre janë njerëz të pushtetshëm ose njerëz që megalomania e pushtetit, krenaria e paligjshme e pushtetit i ka bërë njerëz të distancuar.
Ata mund të ketë qenë të barabartë ose edhe kanë qene poshtë meje në pikëpamje të arritjeve ose të kapacitetit kulturor dhe intelektual. Mirëpo, siç e dini këto mënyrat makiaveliste, përdorimi i mjeteve për qëllime të caktuara dhe pavarësisht qëllimeve, ata kanë arritur të bëjnë karriera të caktuara politike dhe një pjesë prej tyre kanë atë krenarinë e tyre të paligjshme që janë nëpër poste të caktuara.
Disa prej tyre më kanë zhgënjyer, ata sot mund të jenë dikushët në këtë skakierën e deformuar të jetës politike shqiptare por unë jam i sigurte që pasi të ikin që andej, ata do të jenë në turmën e askushit, sepse ata nuk kanë sjellë asgjë për shoqërinë, nuk kanë lënë asnjë gjurmë për shoqërinë, as nga pikëpamja kulturore as nga pikëpamja profesionale.
Kështu që këto bravurat e jashtme, këto mburrjet e tyre për shkak se dikushi i ka vënë në karriget e caktuara dhe kjo i ka bërë të jenë mendjemëdhenj, apo të të shikojnë më difidencë, apo mos të të kthejnë përgjigje, ky është një mëkat i tyre dhe i garantoj se kujtimi i tyre do të shuhet dhe ata do të jenë ‘askushët’ në këtë botë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
