Rënia e një ylli/ Jack Nicholson fotografohet për herë të parë pas gati dy vjetësh

Jack Nicholson u shfaq për herë të parë në 18 muaj, ndërsa shijonte pamjen nga ballkoni në Mullholland Drive, Beverly Hills.

Aktori që ka fituar tri herë Oskarin dukej i çrregullt në pamje. Kohët e fundit, miqtë e tij kanë shprehur shqetësimin se ai mund të vdesë i vetëm, njësoj si ish-fqinji i tij fqinj dhe legjendën e ekranit, Marlon Brando.

Nicholson, 85 vjeç, është padyshim beqari më i famshëm i Hollivudit. Ai ishte i martuar katë vjet para se të hynte në industrinë e madhe të filmit. Romanca e tij më e famshme me Angelica Houston përfundoi gati 25 vjet më parë.

Ylli i filmit u pa për herë të fundit në tetor 2021 së bashku me djalin e tij, Ray, ndër të paktët njerëz me të cilët ai mban kontakte.

Për herë të fundit, ai u shfaq në ekran në vitin 2010, në filmin “How Do You Know”, krah aktorëve Owen Wilson dhe Reese Witherspoon.

Nicholson i ka shmangur thashethemet për vite me radhë se ai është tërhequr nga aktrimi pasi po lufton me demencën dhe nuk është në gjendje të mbajë mend tekstet.

Në janar, një mik i tij, që preferoi të mbetet anonim, i tha Radar Online se ndërsa Nicholson ishte në formë të mirë fizikisht, 'mendja e tij nuk është më'.

Menjëherë pasi ky lajm u publikua, ish-prezantuesi i Fox News, Bill O'Reilly, tha se Nicholson ishte në gjendje shumë të mirë.

“E kam takuar Jack Nicholson disa muaj më parë. Unë pata një bisedë të gjatë me të dhe ai e ndjek emisionin tim dhe kishte plot pyetje inteligjente për mua", tha O'Reilly.

“Kam qenë miq me të për dekada. Ai është 85 vjeç, mirë? Por ai është më i shkathët intelektualisht se presidenti i Shteteve të Bashkuara”, vazhdoi ish-prezantuesi i Inside Edition.

Pavarësisht statusit të tij të konfirmuar si beqar, Nicholson ka bërë gjashtë fëmijë me pesë gra të ndryshme.

Nicholson është kritikuar se nuk e ka pranuar kurrë atësinë e Tessa Gourin, e cila lindi nga lidhja e tij e shkurtër me kamarieren, Jeanine Gourin.