Ambasadorja amerikane Yuri Kim ndodhet në ambientet e Prokurorisë së Posaçme, ku po zhvillon një takim me kreun SPAK, raporton gazetari i MCN TV Arsen Rusta.
Ky është takimi i parë i diplomates amerikane pas zgjedhjes së Altin Dumanit si drejtues i ri i SPAK.
Në takim është e pranishme edhe kryetarja e Byrosë Kombëtare të Hetimit, Aida Hajnaj.
Në total takimi pritet të zgjasë për afro 45 minuta.
Në përfundim të takimit pritet që Yuri Kim të japë një deklaratë për mediat. Në SPAK janë disa çështje të rëndësishme si afera e inceneratorëve, Teatri Kombëtar, dosja e Check Up sterilizimit, çështje të grupeve kriminale dhe Call Center-ave.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
