Referendumi për të shpëtuar Dodik nga largimi i tij në politikë, është pritur me kritika të forta nga Zyra e Bashkimit Evropian në Bosnje-Hercegovinë.
Bashkimi Europian e konsideron si antikushtetues vendimin e një ditë më parë të Kuvendit të Republikës Srpska, për miratimin e mbajtjes së një referendumi, në të cilin qytetarët e këtij entiteti do mund të shprehen mbi aktgjykimin e gjykatës dhe KQZ kundër Millorad Dodikut, me të cilin iu hoq mandati i presidentit të RS-së.
“Vendimi i Gjykatës së Bosnjës dhe Hercegovinës në çështjen kundër Milorad Dodikut është përfundimtar dhe i detyrueshëm dhe duhet respektuar. Nënshtrimi i një vendimi gjyqësor në votim publik është në kundërshtim me sundimin e ligjit dhe pavarësinë e organeve gjyqësore.”
BE thekson gjithashtu se pret që autoritetet e RS-së të përmbahen nga provokimi i mëtejshëm i krizave dhe destabilizimit, si dhe të veprojnë në përputhje me Kushtetutën dhe ligjet e BiH-së.
Referendumi do të mbahet, sipas vendimit të miratuar, më 25 tetor të këtij viti.
Miratimi i këtij vendimi për referendumin bie ndesh me Kushtetutën e Bosnjë e Hercegovinës, e cila nuk parashikon mundësinë që entitetet të shpallin në mënyrë të pavarur referendume mbi vendimet e institucioneve shtetërore.
Që nga 18 gushti, sipas aktgjykimit në fuqi, Dodik zyrtarisht nuk është më president i RS-së, ndërsa KQZ e Bosnjës është e detyruar që brenda 90 ditësh të shpallë zgjedhje të parakohshme për presidentin e entitetit serb në Bosnje e Hercegovinë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
