Ministri i Jashtëm rus Sergei Lavrov ka deklaruar se vendi i tij është i gatshëm të heqë bllokadën e porteve të Detit të Zi të Ukrainës, duke lejuar kalimin e sigurt të anijeve që transportojnë produkte të tilla si grurë dhe misër.
Megjithatë ai ka kërkuar që në shkëmbim, Ukraina duhej që së pari të çminojë ujërat e saj, duke i bërë të sigurta për kalimin e anijeve.
Lavrov citohet t’u ketë thënë gazetarëve në Bahrein se ai kishte nevojë që Ukraina të “çminonte ujërat bregdetare” përpara se të mund të bëhej një veprim i tillë.
Deklarata e tij vjen më pak se një javë pasi ministri i Jashtëm ukrainas Dmytro Kuleba e cilësoi si shantazh ofertën nga Rusia për të hequr bllokadën, në këmbim të heqjes së sanksioneve.
Para luftës, 90% e mallrave të Ukrainës u eskportuan nëpërmjet këtyre porteve por tani të gjitha janë mbyllur.
Paaftësia e Ukrainës për të eksportuar drithërat e saj ka çuar në rritje të çmimeve globale të ushqimeve dhe shqetësime rreth një krize të mundshme ushqimore në Evropë .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
