Pas Instagramit, Turqia ka bllokuar aksesin edhe në platformën e njohur të lojërave video Roblox (RBLX.N), e shqetësuar për përmbajtjen që mund të çojë në abuzimin e fëmijëve, tha ministri i drejtësisë i vendit.
"Vendi ynë është i detyruar të marrë masat e nevojshme për të siguruar mbrojtjen e fëmijëve tanë," tha ministri i drejtësisë Yilmaz Tunc në platformën e mediave sociale X. "Përdorimi i teknologjisë në një mënyrë negative nuk është kurrë i pranueshëm."
Ai tha se një gjykatë turke kishte vendosur bllokimin e aksesit nën një hetim nga prokurorët në provincën jugore të Adanas për shkak të shqetësimeve rreth përmbajtjes që mund të çonte në abuzimin e fëmijëve.
Ndalimi vjen pesë ditë pasi Turqia vendosi të bllokojë edhe rrjetin social Instagram, i cili përdoret nga 57.1 milionë njerëz në vend, një shifër shumë e lartë kjo.
Sipas portalit Turkiye Today, autoritetet në Ankara dyshohet se ishin të pakënaqura me faktin se Instagrami kufizoi postimet në lidhje me liderin e vrarë të lëvizjes palestineze Hamas, Ismail Haniyeh.
Ky kufizim shkaktoi pakënaqësi në Turqi, pasi ky ndalim u cilësua si censurë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
