Zhvillimi i qëndrueshëm i marrëdhënieve Kinë-Rusi nuk është vetëm në interesat themelore të dy vendeve dhe popujve, por gjithashtu promovon paqen, stabilitetin dhe prosperitetin e rajonit dhe botës në përgjithësi.
Duke hapur takimin dypalësh me homologun rus Vladimir Putin, presidenti kinez Xi Jinping, tha se “Në udhëtimin e ri, Kina është e gatshme të punojë me Rusinë për të mbetur një fqinj i mirë, një mik i mirë dhe një partner i mirë duke i besuar njëri-tjetrit dhe duke vazhduar konsolidimin e miqësisë mes dy popujve në zhvillimin e tyre kombëtar përkatës, rigjallërimin dhe mbështetjen për barazinë dhe drejtësinë në botë”.
Putin mbërriti në sheshin Tiananmen të Pekinit mëngjesin e sotëm.
Lideri i Kremlinit u mirëprit nga Xi me të cilin shkëmbeu një shtrëngim duarsh të ngrohtë, sipas pamjeve të transmetuara drejtpërdrejt nga rrjeti shtetëror CCTV.
Ceremonia u përgatit jashtë derës lindore të Sallës së Madhe të Popullit, ku do të organizohet një paradë ushtarake.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
