Kisha e shekullore e "Shën Kollit" në Zejmen të Lezhës e cila u shemb në muajin janar të këtij viti do të kthehet në identitet.
Nën kujdesin e famullisë së zonës dhe donacioneve private, ka nisur puna për rindërtimin e këtij objekti kulti që i përket shekullit të 13.
Arkitekti Zef Çuni thotë se ndërhyrja po realizohet konform arkitekturës ekzistuese të kishës e cila kishte pësuar dëmtime të shumta.
Famillitari i Zejmenit Dom Pashk Ndoj thotë se ky objekt kulti ka vlera të jashtëzakonshme historike, duke ftuar të gjithë ata që kanë mundësi që të kontribuojnë financiarisht për restaurimin e kishës.
Referuar historikut të kësaj Kishe pjesët më të vjetra ishin në murin verior, i cili ishte shembur plotësisht, por synohet që të ri ngrihet sërish ashtu siç ka qenë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
