Përkeqësohet gjendja shëndetësore e naftëtarëve grevistë të Ballshit. 5 prej tyre kanë shfaqur komplikacione të rënda shëndetësore, ndërkohë që as një sinjal shprese nuk po vjen nga ana e qeverisë. Sokol Dautaj, kreu i Sindikatës së Naftëtarëve, i cili është i pari që është futur në grevën e urisë, për TVT tha se janë të vendosur për t'i shkuar deri në fund, pasi nuk kërkojnë asgjë tjetër veçse pagat e tyre.
Ata janë shprehur se nëse nuk u jepet zgjidhje kërkesave të tyre ekonomike, ato do të dalin vetëm të vdekur nga greva e urisë.
Ndërkohë, edhe punëtorët e rafinerisë, përfshi edhe gratë, janë shprehur të gatshëm të futen në grevë urie për të drejtat e tyre, pagat e pamarra dhe rifillimin e punës. Kjo është mënyra e vetme e reagimit pasi institucionet i kanë injoruar. Kompania e fundit qiramarëse e rafinerisë së Ballshit, e cila u largua para 4 muajsh nuk ka marrë asnjë përgjegjësi për detyrimet e prapambetura dhe ky kalvar i gjatë sorollatjesh për naftëtarët nuk po merr zgjidhje, madje shteti hesht përballë asaj që është fituar me gjyq, por nuk zbatohet nga përmbarimi.
I vetmi reagim nga kryeministri Edi Rama ka qënë statusi në Facebook në datën 14 shtator, kur në Turqi është takuar edhe me Presidentin e Azerbajxhanit, Ilham Aljev, ku thotë se kanë diskutuar edhe për çështjen e rafinerisë së Ballshit,
"Prekëm konkretisht edhe çështjen e Rafinerisë së Ballshit, ku së fundmi është përfshirë një kompani azere, duke kërkuar dhe marrë angazhimin e Presidentit për të ndihmuar në zgjidhjen afatgjatë të problemit të krijuar nga privatizimi famëkeq i viteve më parë”, ka shkruar Rama
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
