Pesë anije të rojës bregdetare kineze hynë në “ujërat e ndaluara ose të kufizuara” të hënën rreth Kinmen, ishuj disa milje larg provincës Fujian, por nën kontrollin e Tajvanit.
Kështu tha për mediat Kuan Bi-ling, kreu i Këshillit të Çështjeve të Oqeanit në Taipei, duke shtuar se njësitë kineze u larguan nga zona menjëherë pasi roja bregdetare e Tajvanit i urdhëroi ata të largoheshin.
Pekini filloi patrullimet e rregullta rreth Kinmen pasi dy shtetas kinezë vdiqën më 14 shkurt ndërsa përpiqeshin t’i shpëtonin anijeve patrulluese tajvaneze pasi varka e tyre hyri në ujërat e ndaluara.
Mes tensionit në rritje, gjashtë oficerë të rojës bregdetare kineze hipën në një anije turistike në Taipei me 11 anëtarë të ekuipazhit dhe 23 pasagjerë javën e kaluar për të kontrolluar rrugën, certifikatat dhe licencat e ekuipazhit, duke u larguar rreth gjysmë ore më vonë.
Rreziku, sipas vëzhguesve, është se prania tashmë e normalizuar kineze rreth Tajvanit, midis Ushtrisë Çlirimtare Popullore dhe rojës bregdetare, mund të krijojë një ndjenjë të rrezikshme vetëkënaqësie në Taipei dhe Uashington, duke i dhënë Kinës praktikën operacionale vendimtare për një sulm të mundshëm kundër ishullit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
