Njëmbëdhjetë persona janë zhdukur në Kinë pasi shirat e rrëmbyeshëm në jug të vendit shkaktuan përmbytje dhe çuan në evakuimin e dhjetëra mijëra banorëve. Lajmin e bëri me dije media shtetërore këtë të hënë.
Që nga e enjtja, shirat e rrëmbyeshëm kanë goditur provincën e Guangdong, më e pasura, më e populluara dhe simbol i fuqisë prodhuese kineze. Reshjet e dendura të shiut kanë bërë që lumenjtë të fryhen në një nivel të tillë , saqë sipas autoriteteve lokale, ekziston frika e “përmbytjeve të shekullit”.Shumica dërrmuese u evakuuan nga Qingyuan, një qytet i vendosur rreth gjashtëdhjetë kilometra nga Guangzhou. Reshje të dendura shiu, të shoqëruara me stuhi dhe erëra të forta sipas shërbimeve meteorologjike kineze, priten të hënën në metropolin Shenzhen, në kufi me Hong Kongun dhe selitë e shumë kompanive teknologjike.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
