Një gjest i dëshpëruar për të mos i lënë fëmijët e tyre pa identitet për shkak të tmerrit të bastisjeve vdekjeprurëse në Gaza. Videot e regjistruara nga një gazetar i CNN tregojnë disa prindër në Rripin e Gazës, që ua shkruajnë emrat fëmijëve në këmbë, në mënyrë që të identifikohen më lehtë nëse mbeten jetimë ose vriten.
Videot janë xhiruar në Spitalin e Martirëve Al Aksa në Deir Al Balah, në qendër të Gazës, një zonë ku pati sulme ajrore izraelite mbrëmë. Aty shihen katër fëmijë të vrarë, të cilët kanë emrat e shkruar në arabisht në këmbë. Ata shihen në barela në dysheme në një dhomë që duket të jetë morg, e cila është plot. Nuk është e qartë nëse prindërit e tyre janë vrarë apo kanë mbijetuar, raporton CNN.
Kjo praktikë është bërë më e zakonshme ditët e fundit. Pas sulmeve ajrore pati skena kaotike në disa spitale të Gazës, me hapësirë të pamjaftueshme për të përballuar fluksin e pacientëve dhe morgje të tejmbushura. Videot tregojnë se në disa pjesë të spitalit Al Aksa, të plagosurit – përfshirë fëmijët – shtriheshin në korridore në shtretër dhe dyshekë të improvizuar.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
