Forcat ruse granatuan rrethin e Nikopolit në rajonin Dnipropetrovsk të Ukrainës juglindore gjatë natës me sisteme MLRS dhe artileri të rëndë. Lajmin e bëri me dije kreu i administratës ushtarake rajonale në Telegram, Valentyn Reznichenko. Lajmin e përcjell Ukrinform. Për momentin nuk ka të dhëna për të lënduar apo viktima.
Shtatë sulme dhe më shumë se 50 granata qëlluan mbi qytete dhe fshatra. Rusët terrorizuan rrethin e Nikopolit gjatë gjithë natës. Ata goditën tre komunitete, Nikopol, Chervonohryhorivka dhe Marhanets, me MLRS Grad dhe artileri të rëndë.
Në Nikopol u dëmtuan dhjetëra banesa dhe ndërtesa private, objekte shërbimi, ndërtesa administrative, një dyqan dhe linja elektrike, duke nënvizuar më tej se si pasojë e granatimeve ka rënë zjarr.
Në Chervonohryhorivka, më shumë se 10 shtëpi private, struktura bujqësore, linja elektrike u dëmtuan dhe një predhë shkatërroi një garazh dhe një makinë. Në komunën e Marhanets janë duke u vlerësuar pasojat e sulmit, ndërsa në rrethe të tjera nata ka qenë e qetë dhe situata për momentin është e qetë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
