Me kthjellime e vranësira kalimtare do të jenë zonat Veriore dhe Qendrore por me vranësira të shpeshta në zonat Jugore deri në mesditë kur vranësirat shtohen.
Pjesa e dytë e ditës do të fuqizojë vranësirat në Jug dhe Qendër ku priten rrebeshe të izoluara shiu por Veriu dhe vija bregdetare e Adriatikut mbeten me kthjellime e vranësira të shpeshta.
Vonë në mbrëmje moti përmirësohet në Veri e Qendër duke lënë zonat Jugore me vranësira dhe ndonjë shi të izoluar.
Sipas MeteoAlb, temperaturat e ajrit do të rriten lehtë në mëngjes dhe mesditë duke bërë që ekstremumet termike ditore të variojnë nga 8- 27°C.
Era do të fryjë mesatare me shpejtësi deri 35 km/h nga drejtimi permanent verior dhe për pasojë në det do të gjenerohet dallgëzim deri 3 ballë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
