Komiteti Ekzekutiv Kombëtar më Kongresin Kombëtar Afrikan do të prezantojë një mocion mosbesimi nëse presidenti Jacob Zuma nuk dorëhiqet brenda 24 orësh. Lajmin e bën të ditur “Daily Maverick”, e cila citon burime brenda partisë që drejton qeverinë në Afrikën e Jugut.
Vendimi për të paraqitur mocion mosbesimi erdhi pasi Zuma nuk i mori parasysh thirrjet e Komitetit Ekzekutiv Kombëtar për t’u dorëhequr.
Zuna refuzon të largohet nga posti për t’i lënë vendin zëvendëspresidentit dhe liderit të ri, Ciryl Ramaphosa. “Bëj çfarë të duash”, mësohet t’i ketë thënë Zuma pasardhësit në pritje.
Vendimi i Komitetit Ekzekutiv Kombëtar u mor pas 13 orësh diskutime në lidhje me presidentin Zuma dhe skandalet e shumta ku është përfshirë emri i tij.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
