Nikolai Denkov, kryeministri i Bullgarisë ka dhënë dorëheqje. Largimi i tij nga detyra ishte një lëvizje e pritshme, pas marrëveshjes së koalicionit arritur me partinë e qendrës së djathtë GERB në zgjedhjet e vitit të kaluar.
Tashmë është radha e kësaj force politike ta drejtojë vendin, konkretisht e ministres së jashtme Maria Gabriel.
‘Kjo nuk është lojë politike, por mbajtje e fjalës së dhënë. Është një shprehje e vazhdimësisë, ndershmërisë politike dhe respektit për qytetarët, pas marrëveshjes së arritur më 6 qershor të 2023-shit.
Gjithsesi mosmarrëveshjet duket se janë të pashmangshme.
Në pikëpyetje është emri i atij që do të marrë postin e lënë bosh, atë të ministrisë së jashtme, që sipas dakordësisë së 6 qershorit duhet ti kalonte me rrotacion ish kryeministrit Denkov, por GERB duket se nuk do ta lëshojë këtë post.
Partia e qendrës së djathtë tani propozon që Gabriel të mbajë postin e kryeministres dhe ministres së Jashtme njëkohësisht, secili kryeministër ta ushtroj detyrën e tij për 15 muaj dhe jo 9, dhe ministrat e kabinetit qeveritar të ndryshohen.
Të dyja partitë kanë kërcënuar me zgjedhje të parakohshme, nëse nuk arrihet një marrëveshje.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
