Të paktën katër spitale në Liban njoftuan se po pezullonin punën për shkak të sulmeve izraelite, ndërsa një organizatë shëndetësore e lidhur me Hezbollahun tha se 11 ndihmës mjekësorë ishin vrarë në 24 orët e fundit.
Ushtria izraelite lëshoi një deklaratë duke pretenduar se Hezbollahu po përdorte automjete mjekësore për të transportuar luftëtarë dhe armë, duke paralajmëruar se do të godiste çdo automjet që dyshohej se përdorej për qëllime ushtarake.
Stafi i spitalit në Libanin jugor i tha BBC-së se objektet shëndetësore që trajtonin civilët e plagosur ishin goditur me sulme të drejtpërdrejta izraelite.
Dr.Mounes Kalakish, drejtor i spitalit publik "Marjayoun" në Libanin jugor, i tha BBC-së se spitali nuk kishte zgjidhje tjetër veçse të mbyllej, pasi një sulm ajror goditi dy ambulanca në hyrje të spitalit të premten, duke vrarë shtatë mjekë ndihmës.
"Infermieret dhe mjekët ishin të tmerruar," tha ai. “Ne u përpoqëm t'i qetësojmë dhe të vazhdojmë punën, por nuk ishte e mundur", shprehet mjeku.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
