Presidenti rus Vladimir Putin tha këtë të martë se vendi i tij është gati të negociojë për t'i dhënë fund konfliktit në Ukrainë, ndërsa hodhi poshtë bisedimet e drejtpërdrejta me homologun e tij ukrainas Volodymyr Zelensky.
Në një intervistë për televizionin shtetëror të Rusisë Putin tha se nuk sheh vullnet nga Kievi, ndërsa siguroi se lufta do të ndalej në më pak se dy muaj nëse ndihma e Perëndimit për Kievin mbaro.
Ideja e negociatave mes Moskës dhe Kievit është përmendur gjithnjë e më shpesh muajt e fundit nga të dyja palët si dhe aleatët e tyre përkatës, por aktualisht nuk ka asnjë indikacion se do të materializohet.
“Nëse Volodymyr Zelensky dëshiron të marrë pjesë në negociata, unë do të zgjedh njerëzit që do t'i udhëheqin këto negociata", tha Vladimir Putin.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
