Javën që lamë pas, kryeministri Rama foli për dështimin e televizionit publik RTSH-së, madje përmedni edhe mundësinë e mbylljes së tij. Në studion e MCN Informacion, Artan Fuga, anëtar i Akademisë së Shkencave dhe profesor i gazetarisë, tha se ka vend për kritika nëse vihet përballë buxheti i TVSH dhe produkti që ai ofron.
Është e qartë që ka një privilegj në dekadën e fundit të operatorëve të tjerë të TV private. Në konceptim tim TV publik duhet ta shikojë si konkurrencë marrëdhënien e tij me TV-të private. Por edhe TV publik ka pasur të ardhura shumë të mëdha. Me to mund të bëhen gjëra të mëdha. Duke mos e konsideruar si rival, si operator në treg, TV publik duhet të ketë një strategji përsa i përket programacionit ku shikohet se problemet madhore të shoqërisë mungojnë. I shmanget asaj që është thelbi i informacionit: aktualitetit djegës.
Informacioni në pjesën dërrmuese është nga Tirana. Në mediat publike një nga performancat është të kritikojë qeverinë. TV-të publike duhet të kenë një dinamikë kritike shpesh më të mëdha se TV-të private. Këto matje nuk i kemi bërë ne. Vijnë që nga Amerika. TV ka mbetur me festivalin e muzikës së lehtë dhe nuk shkon më tej. Ka vend të shihen me sy kritik në raport me atë buxhet që ka.
Shpenzimet janë të pajustifikuara. Dhe janë shpenzime jorentabël.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
