Teksa na ndajnë dhe dy javë nga nata e ndërrimit të vitit, çmimi i gjelit të detit shkon 8 mijë lekë të vjetra për kg, ndërsa ai i puls, dy mijë lekë më shumë.
Kështu bën të ditur nga tregu i Elbasanit, korrespondentja e MCN, Entela Duka, teksa përkufizon se fermerët shprehen se ky çmim nuk mbulon kostot e rritjes, ndërkohë qytetarët e shohin si të papërballueshëm blerjen e produktit.
Fermerët për mikrofonin e ‘MCN live’, ankohen se nuk ka treg shitje me gjithë kultivimin që i bëjnë gjelit.
Tregu është zero, njerëzit vijnë për të parë por nuk kanë lek. Tregu është zero, nuk ka intereson më të mbarështojmë gjelin e detit, kam 32 vite që e mbarështoj gjelin por si sivjet çmimi është përtokë, nuk kam besim që do ti shes.
Njerëzit vetëm vijnë pyesin dhe nuk e blejnë dot, nuk i plotësojnë paratë.
Sivjet çmimi për gjelin është 8 mijë te vjetra lekë/kg , ne e rrisim me jonxha, nëpër hasëll, misër, e rrisim me kullota, por nuk po shkojnë sivjet. Njerëzit nuk kanë lekë ta blejnë.
Sivjet është shumë Pazar i dobët, nuk lëvizin fare. Këta janë gjela Peqini, me traditë, qytetarët ankohen se nuk kanë lek, këtu vetëm pleqtë kanë mbetur, si blejnë dot.
Blerësi ankohet se me pensionin e pakët, nuk arrin ta plotësojë shumën për ta blerë një gjel deti për tryezën e festave.
Me këtë çmim nuk e blej dot, ai është tamam por unë me 70 mijë lekë pension se blej dot. Detyrohem të marrë kalastrèn, në vend të gjelit të detit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
