Kreu i Lëvizjes Socialiste për Integrim, Ilir Meta, është takuar për rreth tre orë dje me Agron Dukën, kreun e PAA-së. Takimi i tyre vjen pasi Duka i kishte dërguar një letër Metës, ku e ftonte të dilte nga qeveria për të krijuar një qeveri teknike, raporton “Panorama”.
Vetë Duka, i kontaktuar nga gazeta, ka thënë se pjesë e drekës së gjatë me kryetarin e Kuvendit ishte pa dyshim edhe protesta e opozitës.
“Sigurisht që folëm gjatë drekës dhe për protestën e opozitës dhe kushtet që ajo ka vendosur. Nuk mund të shmangej kjo temë e ditës. Por nuk pati ndonjë bisedë më shumë se sa përmbajtja e letrës që unë i kisha dërguar më parë”, është shprehur Duka. I pyetur se cili ishte qëndrimi i Metës për kërkesat e PD-së, Duka tha se “unë gjykoj që ishte pozitive deklarata e tij gjatë konferencës për shtyp me Kadri Veselin për respektimin e protestës së opozitës”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
