Shtohen zërat se divorci është fare pranë për Princin Harry të Anglisë dhe bashkëshortes s tij Meghan Markle, krizë e cila duket se ka nisur që nga lindja e vogëlushes Lilibet.
Meghan duke se nuk do të dalë bosh nga familja mbretërore, pasi ka sjellë në jetë dy fëmijë të cilët i garantojnë një pagesë prej “ylli të përjetshëm”, ndërkohë qw po përgatit edhe autobiografinë e saj.
Por kush i thotë të gjitha këto? Tabloidët britanikë raportojnë se vetë Mbreti Charles III, ka bërë gati “thesarin” me të cilin do të likuidonte nusen e tij jo aq të dëshiruar.
Bëhet fjalë për 50 milionë paund për të “shpëtuar” djalin e vogël Harry nga Meghan, në rast divorci.
Thashethemet për mosmarrëveshje, madje edhe grindje të dhunshme mes Harry-t dhe Meghan-it duket se e kanë shtyrë Mbretin Charles të hartonjë një propozim me bashkëpunëtorët e tij për t’ia paraqitur ish-aktores në rastin e divorcit mes dukëve të Sussex.
As më pak dhe as më shumë, por një çek prej 50 milionë paund. Mbreti Charles e ka menduar një skenar të tillë vitin e kaluar dhe i ndihmuar nga një ekip bashkëpunëtorësh, ka hartuar një plan të detajuar për të kënaqur Dukeshën e Sussex-it në rast divorci, në mënyrë që të jetë në gjendje të bindi Harryn të kthehen në Londër, në pallatin mbretëror Buckingham Palace.
Sipas kushteve të marrëveshjes, të hartuar me ndihmën e avokatëve të njohur anglezë dhe amerikanë, Charles duket i gatshëm që të lejojë Meghan që të mbajë titullin e dukeshës, si dhe t’i transferonte asaj pronën e Frogmore Cottage, rezidenca angleze e dukëve të Sussex dhe një rezidencë në Kaliforni.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
